لاہور(سپورٹس رپورٹر)سابق کرکٹر سہیل تنویر نے لاہور قلندرز کے آصف علی سے اوپننگ کروانے والے کو سائنسدان کہہ دیا۔انہوںنے آصف علی سے اوپننگ کروانے پر تنقید کی اور کہا کہ اس سائنسدان کو کریڈٹ دیں جس نے انہیں اوپنر بھیجا۔ میں نے کبھی آصف علی کو اوپننگ کرتے نہیں دیکھا، ان کا کردار ہمیشہ مڈل آرڈر میں پاور ہٹنگ کرتے دیکھا۔ آپ اس سے اننگز کا آغاز کروا رہے ہیں جس کی تکنیک زیرو ہے، وہ پاور ہٹر ہے اس سے پہلے بھیجنا سمجھ سے باہر ہے۔ نئے گیند سے کھیلنا آسان نہیں ہوتا، اس کا آؤٹ ہونا دیکھ لیں کہ انہیں پتا ہی نہیں لگا کہ گیند اندر آگئی، جس طرح نئی گیند کرنا آرٹ ہے اسی طرح کھیلنا بھی ایک آرٹ ہی ہے۔