ممبئی(این این آئی)بھارتی گلوکار و ریپر ہنی سنگھ ایک بار پھر اپنی ذاتی زندگی کے باعث خبروں کی زینت بن گئے ۔بھارتی میڈیا کے مطابق گلوکار ہنی سنگھ اور 25سالہ مصری ماڈل کی قربتیں بڑھ رہی ہیں جس کے باعث ڈیٹنگ کی افواہیں زور پکڑنے لگی ہیں۔ان دنوں ہنی سنگھ کی ایک ویڈیو وائرل ہورہی ہے جس میں وہ 25سالہ مصری ماڈل ایما بکر کی سالگرہ مناتے دکھائی دئیے اور ان کی ہم آہنگی دیکھ کر مداحوں نے اندازہ لگایا ہے کہ شاید دونوں ایک دوسرے کو ڈیٹ کر رہے ہیں۔ہنی سنگھ نے انسٹاگرام پر ایک ویڈیو شیئر کی جس میں وہ پرتعیش ریسٹورنٹ میں ایما کیلئے سرپرائز برتھ ڈے پارٹی کا اہتمام کرتے نظر آئے۔ ویڈیو میں ماڈل ان کے بالکل ساتھ بیٹھی ہوئی نظر آئیں اور جب ریسٹورنٹ کا عملہ سالگرہ کا گانا گاتا اور رقص کرتا ہے تو ایما خوشگوار حیرت میں مبتلا ہو جاتی ہیں۔اس موقع پر ہنی سنگھ نے ایما کا ہاتھ تھامے رکھا، دونوں خوشگوار مزاج میں نظر آئے۔یہی نہیں بلکہ ہنی سنگھ نے انسٹاگرام پر شیئر کی گئی ویڈیو کے کیپشن میں ایما کو ’’کلیوپیٹرا‘‘(جوکہ قدیم مصر کی ملکہ تھیں)کہہ کر مخاطب کیا، جس کے بعد سوشل میڈیا پر افواہوں کا بازار گرم ہو گیا کہ شاید ہنی سنگھ کو ایک بار پھر محبت ہو گئی ہے۔