نئی دہلی (نوائے وقت رپورٹ) بھارت میں عمارت میں آگ لگنے سے بچوں سمیت 17 افراد ہلاک ہو گئے۔ بھارتی شہر حیدرآباد کی ایک عمارت میں شارٹ سرکٹ کے باعث آگ لگنے کا واقعہ پیش آیا، عمارت کے گراؤنڈ فلور پر جیولری کا سٹور جبکہ بالائی منزلوں میں لوگ رہائش پزیر تھے۔ شارٹ سرکٹ کے باعث آگ عمارت کے گراؤنڈ فلور پر لگی جس نے دیکھتے ہی دیکھتے پوری بلڈنگ کو اپنی لپیٹ میں لے لیا۔ آگ کی اطلاع ملتے ہی آگ بجھانے والا عملہ فوری موقع پر پہنچ گیا اور کولنگ کے عمل میں حصہ لیا۔ رپورٹس میں مزید بتایا گیا ہے کہ آگ لگنے سے5 سال سے کم عمر والے 6 بچوں سمیت 17 افراد ہلاک ہوگئے جبکہ متعدد افراد زخمی بھی ہوئے ہیں جن کا علاج جاری ہے۔