لاہور(سپورٹس رپورٹر)پاکستان کرکٹ ٹیم کے سابق کپتان شاہد فریدی عوام اور پاک فوج سے اظہار یکجہتی کیلئے لائن آف کنٹرول پہنچ گئے۔شاہدآفریدی کا وادی لیپہ میں شاندار استقبال کیا گیا، سابق کپتان نے یاد گار شہداء پر بھی حاضری دی۔ انہوں نے لیپہ کرکٹ گراؤنڈ میں نوجوانوں سے ملاقات کی اور دستخط شدہ  بیٹ بال بھی تقسیم کیے۔انہوںنے کہا کہ کراچی سے پاکستانی عوام اوراپنی فیملی کی جانب سے لیپہ کے لوگوں کا شکریہ ادا کرنے آیا ہوں، اگر بھارت نے دوبارہ سے جارحیت کی کوشش کی تو اسی طرح بھرپورجواب دیا جائیگا۔شاہد آفریدی نے متاثرین معرکہ حق سے بھی ملاقات کی اور ان میں امدادی چیک تقسیم کیے، وادی لیپہ کی لوگوں کے جانب سے شاہدآفریدی کو اخروٹ کی لکڑی کا بنا ہوا شاہین تحفے میں دیا گیا۔انہوںنے کہا کہ جیسے آپ لوگوںنے دشمن کی جارحیت کا بھرپور جواب دیا، وہ قابل تعریف ہے۔ بھارت نے دوبارہ جارحیت کی تو بھرپور جواب دیا جائے گا۔