لاہور(سپورٹس رپورٹر)پاکستان کرکٹ بورڈسنٹرل کنٹریکٹ 26-2025 ء کیلئے مشاورتی عمل شروع ہوگیا۔سنٹرل کنٹریکٹ یافتہ 27 کھلاڑیوں کی کیٹیگریز میں ردو بدل کا امکان ہے۔ذرائع کے مطابق سینئر کرکٹر بابر اعظم، محمد رضوان اور شاہین آفریدی کی موجودہ کیٹیگری پر نظرثانی ہوگی،سعود شکیل، سلمان علی آغا، نعمان علی اور ساجد خان کو سنٹرل کنٹریکٹ میں ترقی مل سکتی ہے۔حارث رئوف، نسیم شاہ اور شان مسعود کی حالیہ پرفارمنس کا جائزہ لیا جارہا ہے،فخر زمان، حسن علی اور فہیم اشرف کو بھی سنٹرل کنٹریکٹ ملنے کا امکان ہے۔ حالیہ شاندار کارکردگی کے باعث صاحبزادہ فرحان کو بھی سنٹرل کنٹریکٹ مل سکتا ہے،ڈومیسٹک کرکٹ پرفارمرز کو ڈی کیٹیگری میں شامل کیا جائیگا۔3سالہ سنٹرل کنٹریکٹ کا یہ آخری سال ہوگا،3سالہ فنانشل سٹرکچر کی منظوری ذکا ء اشرف کے دور میں 2023 ء میں دی گئی تھی۔ فخر زمان، حسن علی اور فہیم اشرف کی کنٹریکٹس میں واپسی ہو سکتی ہے۔ ڈومیسٹک کے پرفارمرز کو ایمرجنگ کی صورت میں ڈی کیٹیگری میں شامل کیا جائیگا۔ قومی کرکٹرز کے سنٹرل کنٹریکٹس کی مدت 30 جون کو ختم ہو گی۔ چیئرمین پی سی بی محسن نقوی نے گزشتہ سال بھی فنانشل سڑکچر میں کوئی تبدیلی نہیں کی تھی اور اب بھی تبدیلی کا امکان نہیں ہے۔ گزشتہ برس پی سی بی نے 27 اکتوبر کو سنٹرل کنٹریکٹس یافتہ کھلاڑیوں کا اعلان کیا تھا۔ گزشتہ برس اے میں 2 بی میں 3 سی میں 9 اور ڈی کیٹیگری میں 11 کھلاڑی شامل تھے۔