اسلام آباد(نمائندہ خصوصی)صدر مملکت آصف علی زرداری  نے  حلقہ این اے 213 میں ضمنی الیکشن میں کامیابی پر صبا تالپور کو مبارکباد دی ہے ،صدر مملکت  نے کہا کہ صبا تالپور کی کامیابی حلقہ این اے 213 کی عوام کے پاکستان پیپلز پارٹی پر اعتماد کی مظہر ہے، امید ہے کہ صبا تالپور پاکستان پیپلز پارٹی کے نظریے کے مطابق اپنے حلقے کے عوام کی توقعات پر پورا اتریں گی ، صبا تالپور اپنے حلقے کے مسائل کے حل، عوامی فلاح و بہبود کیلئے کام کریں، صدر مملکت نے صبا تالپور پر اعتماد کرنے پر حلقہ این اے 213 کی عوام کا شکریہ ادا کیا۔