اسلام آباد(آئی  این پی ) وفاقی وزیر برائے  آبی وسائل محمد معین وٹو  نے کہا ہے کہ بھارت ہمارا پانی روکنے کی پوزیشن میں نہیں۔جاری ایک بیان میں انہوں نے کہا کہ بھارت ہماراپانی روکنے کی پوزیشن میں نہیں کیونکہ بھارت کے پاس پانی کو روک کر ذخیرہ کرنیکی گنجائش نہیں ہے۔محمد معین وٹو نے مزید کہا کہ پاکستان کے تمام دریائوں میں بھرپورپانی ہے جب کہ عالمی بینک کے صدرنے سندھ طاس معاہدے سے متعلق پاکستانی موقف کی تائیدکی ہے۔