استنبول(نیٹ نیوز) استنبول میں یوکرائن اور روس کے درمیان 3 سال بعد براہ راست مذاکرات ہوئے جو  2 گھنٹے تک جاری رہے۔ ترک وزیرخارجہ اورانٹیلی جنس ایجنسی کے سربراہ نے بھی مذاکرات میں شرکت کی۔ترک وزارت خارجہ کے ذرائع نے بتایا یوکرائن اور روس مذاکرات کا یہ دور مکمل ہوگیا ہے اور دونوں ممالک کے درمیان 2گھنٹے بات چیت جاری رہی۔رپورٹ کے مطابق یوکرائن 4 سال سے جاری جنگ کے خاتمے کے لیے غیر مشروط جنگ بندی چاہتا ہے جبکہ روس کا کہنا ہے وہ یوکرائن کیساتھ تنازع کی بنیادی وجوہات کو حل کرنا چاہتا ہے۔استنبول میں گفتگو کرتے ہوئے یوکرائنی وزیر دفاع رستم عمروف نے کہا  ہم نے دونوں جانب سے 1000 جنگی قیدیوں کے تبادلے پر اتفاق کیا ہے جبکہ سیز فائر سے متعلق بھی بات چیت ہوئی۔یوکرائنی وزیر دفاع  نے بتایا بات چیت کے اگلے دور کا اعلان جلد ہوگا جبکہ روسی صدر پیوٹن اور یوکرائنی صدر زیلنسکی  کے درمیان ممکنہ ملاقات سے متعلق بھی بات چیت کی گئی۔