الیکشن کمیشن نے ضمنی انتخابات میں کامیاب ہو نے والی سیاسی جماعتوں کی پارٹی پوزیشن جا ری کر دی،تحریک انصاف نے 15اور (ن) لیگ نے 11 نشستیں حاصل کیں ،مسلم لیگ ق، عوامی نیشنل پارٹی اور پیپلز پارٹی نے 2 ،2 جبکہ متحدہ مجلس عمل اور بلوچستان نیشنل پارٹی نے ایک ایک نشست حاصل کی ، ضمنی انتخابات میں 3 آزاد امیدوا ر بھی کامیاب ہوئے۔تفصیلات کے مطابق الیکشن کمیشن نے ضمنی انتخابات میں کامیاب ہو نے والی سیاسی جماعتوں کی پارٹی پوزیشن جا ری کر دی، جس کے مطابق تحریک انصاف 15 نشستوں کے ساتھ سرفہرست اور مسلم لیگ (ن) 11 نشستوں کے ساتھ دوسرے نمبر پر ہے۔الیکشن کمیشن کی جانب سے جاری پارٹی پوزیشن کے مطابق تحریک انصاف نے 15، (ن) لیگ 11، مسلم لیگ ق، عوامی نیشنل پارٹی اور پیپلز پارٹی نے 2 ،2 جبکہ متحدہ مجلس عمل اور بلوچستان نیشنل پارٹی نے ایک ایک نشست پر کامیابی حاصل کی ضمنی انتخابات میں 3 آزاد امیدوا ر بھی کامیاب ہوئے۔الیکشن کمیشن کے مطابق قومی اسمبلی کی 11 نشستوں میں سے تحریک انصاف اور مسلم لیگ (ن) نے 4،4 نشستوں پر کامیابی حاصل کی جب کہ مسلم لیگ (ق) نے 2 اور متحدہ مجلس عمل نے ایک نشست پر کامیابی سمیٹی۔خیبرپختونخوا اسمبلی کی 9 نشستوں میں سے تحریک انصاف نے 6، عوامی نیشنل پارٹی نے 2 اور مسلم لیگ (ن) نے ایک نشست پر کامیابی حاصل کی۔پنجاب اسمبلی کی 13 نشستوں میں سے مسلم لیگ (ن) نے6 نشستیں حاصل کیںجبکہ تحریک انصاف نے 5 نشستیں حاصل کیں ، دو نشستوں پر آزاد امیدوار کامیاب ہوئے۔سندھ اسمبلی کی 2 نشستیں پیپلز پارٹی کے حصے میں آئیں جب کہ بلوچستان اسمبلی کی 2 نشستوں میں سے ایک نشست پر بلوچستان نیشنل پارٹی اور ایک نشست پر آزاد امیدوار کامیاب ہوا۔( ع ا)