دہلی (نوائے وقت رپورٹ) بوکھلاہٹ کا شکار بھارت نے سچ دکھانے پر غیر ملکی خبر رساں اداروں کے سوشل میڈیا اکاؤنٹس بھی بند کرنا شروع کر دئیے ہیں۔ بھارتی میڈیا کے مطابق حکومت نے ترک نشریاتی ادارے کا سوشل میڈیا اکاؤنٹ بھارت میں بند کر دیا ہے جبکہ بھارتی عوام بھی ترک مصنوعات کا بائیکاٹ کر رہے ہیں اور  ترکیے کو سیاحتی مقام کے طور پر بھی نظر انداز کر رہے ہیں۔ دوسری جانب بھارت میں دو چینی میڈیا اداروں کے سوشل میڈیا اکاؤنٹس بھی بند کر دئیے گئے ہیں۔ دوسری جانب بھارت کی جانب سے چین کے سرکاری انگریزی اخبار گلوبل ٹائمز اور  سرکاری نیوز ایجنسی Xinhua کے سوشل میڈیا اکاؤنٹس بند کیے گئے ہیں۔ چین میں بھارتی سفارتخانے کی جانب سے جاری بیان میں کہا گیا ہے کہ متعدد خبر رساں اداروں نے آپریشن سندور میں بھارتی افواج کو پاکستانی فورسز کے ہاتھوں نقصان پہنچنے سے متعلق رپورٹس چلائیں تھیں۔ یاد رہے  اس سے قبل بھارت حکومت پاکستان کے کئی سرکاری اداروں اور صحافیوں کے اکاؤنٹس بھی بھارت میں بلاک کر چکا ہے۔