لاہور(نامہ نگار)انسپکٹر جنرل پولیس پنجاب ڈاکٹر عثمان انور اپنی فورس اور انکے اہل خانہ کی ہیلتھ ویلفیئر کیلئے پرعزم ہیں۔جس کے تسلسل میں پولیس ملازمین اور انکے اہلخانہ کے علاج معالجے کیلئے مزید 28 لاکھ 90 ہزار روپے جاری کر دیئے۔ ریٹائرڈ آفس سپرنٹنڈنٹ عبدالغفار کیلئے5 لاکھ روپے‘ سکیورٹی کانسٹیبل قیصر مسیح کیلئے 3 لاکھ 50 ہزار روپے‘ کانسٹیبل سید افتخار حسین کی بیوی‘کانسٹیبل تنویر احمدکیلئے اڑھائی لاکھ روپے ‘ انسپکٹر عبیداللہ خان، سب انسپکٹر شہزاد رسول اور ڈرائیور کانسٹیبل ناہید اسلم کیلئے 2 لاکھ روپے فی کس‘سب انسپکٹر عطا محمد، اے ایس آئی محسن علی، کانسٹیبل نذیر احمد، جونیئر پٹرولنگ آفیسر علی رضا اور کانسٹیبل عابد علی کیلئے ایک لاکھ روپے فی کس‘ اے ایس آئی محمد نوید، کانسٹیبل منور خان، ٹیکنیکل آفیسر وسیم عباس، جونیئر پٹرولنگ آفیسر عبدالجبار اور سینٹری ورکر حسین شریف کیلئے مجموعی طور پر3 لاکھ 40 ہزار روپے دئیے گئے۔ آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈز اجراء کی منظوری دی۔