الیکشن کمیشن نے عام انتخابات 2018کے انتخابی مواد کو ضائع کرنے کا فیصلہ کرلیا۔ مواد ضائع کرنے کے لئے صوبوں کو احکامات بھجوا دئیے۔ایک نجی ٹی وی کے مطابق ذرائع نے بتایاکہ الیکشن کمیشن نے ہدایت کی ہے کہ قومی اور صوبائی اسمبلی کے حلقوں کا انتخابی مواد ضائع کیا جائیگا، غیر متنازعہ حلقوں کے بیلٹ پیپرز، کاونٹر فائلز، فارمز ضائع کیا جائے، ان حلقوں کا مواد ضائع کیا جائے جن کے معاملات الیکشن ٹربیونل یا عدالت میں زیر التوا نہ ہوں۔الیکشن کمیشن نے کہا ہے کہ ریجنل، ضلعی الیکشن کمشنرز کو انتخابی مواد ضائع کرنے کے احکامات دئیے جائیں، الیکشن ایکٹ کے تحت غیر متنازعہ حلقوں کا انتخابی مواد ضائع کیا جا رہا ہے۔ الیکشن کمیشن نے چاروں صوبائی الیکشن کمشنرز کو ہدایات بھجوا دیں۔

جعلی چیک کے مقدمے میں ملوث مفتی عبدالقوی کی ضمانت میں 8 اکتوبر تک توسیع