لاہور (لیڈی رپورٹر) وزیر تعلیم رانا سکندر حیات کی زیر صدارت نواز شریف سنٹر آف ایکسیلنس فار ارلی چائلڈ ہوڈ ایجوکیشن کا قیام بارے جائزہ اجلاس ہوا جس میں انہوں نے سنٹر آف ایکسیلنس کے تعمیراتی کاموں میں پیش رفت کا جائزہ لیا اور ان کی فوری تکمیل یقینی بنانے کی ہدایت کرتے ہوئے کہا آئندہ چند روز میں وزیر اعلیٰ پنجاب سنٹر آف ایکسیلینس کا خود افتتاح کریں گی۔ افتتاحی تقریب کے انتظامات وزیر اعلیٰ پنجاب کے شایان شان کئے جائیں۔ انہوں نے کہا نواز شریف سنٹر آف ایکسیلنس ای سی ای رومز، جمنیزیم، سوئمنگ پول اور دیگر سٹیٹ آف دی آرٹ سہولیات پر مشتمل ہوگا اور ابتدائی تعلیم کیلئے ننھے بچوں کی تخلیقی، فکری اور سماجی نشوونما کے ضمن میں جدید تعلیمی ماحول فراہم کرے گا۔