حیدر آباد دکن (نوائے وقت رپورٹ) بھارتی شہر حیدر آباد دکن میں کراچی بیکری پر بی جے پی کے انتہا پسندوں نے حملہ کر دیا۔ انتہا پسندوں نے پاکستان بھارت کشیدگی اور جنگ کے تناظر میں بیکری کا نام تبدیل کرنے کا مطالبہ کیا، پہلگام واقعہ کے بعد کراچی بیکری کو نشانہ بنانے کا یہ دوسرا واقعہ ہے۔ بی جے پی انتہا پسندوں نے ڈنڈوں سے بیکری پر حملہ کیا اور توڑ پھوڑ کی۔ بیکری مالکان کا کہنا ہے کہ ان کا پاکستان سے کوئی تعلق نہیں، یہ نام تقسیم ہند کے وقت ان کے خاندان کی ہجرت سے جڑی پہچان کی علامت ہے۔