اسلام آباد(آئی این پی )  کشمیری حریت رہنما یاسین ملک کی اہلیہ مشعال ملک نے کہاہے کہ مسئلہ کشمیر فرنٹ لائن پر لانے کا آئیڈیل وقت ہے، مطالبہ کرتی ہوں گرفتار حریت رہنماوں کو فوری رہا کیا جائے۔  مشعال ملک نے صحافیوں سے گفتگو کرتے ہوئے کہا کہ مسئلہ کشمیر کو فرنٹ پر لانے کا یہ آئیڈیل وقت ہے، خطے کا اصل مسئلہ یہی ہے، ورنہ بھارت کا فالس فلیگ آپریشن کا سلسلہ جاری رہے گا۔ مشعال ملک  کا  کہنا تھا کہ مودی کا ٹریک ریکارڈ اچھا نہیں ہے، ووٹ کیلئے مودی معاملات کوایٹمی جنگ کی طرف  لے جانے سے گریز نہیں کرتا لیکن مودی کوبدترین شکست ہوئی اب وہ کسی کاسامنا نہیں کر پا رہا۔انھوں نے کہا کہ امریکا کی جانب سے ثالثی کی پیشکش کا مطلب ہے مسئلہ کشمیر بھارت کا اندورنی نہیں کثیرالجہتی مسئلہ ہے، مذاکرات کیلئے امریکا اور چین کابہت اہم رول ہو سکتا ہے۔ انہوں نے  شملہ معاہدے پر نظر ثانی کر کے اس کو مسترد کیا جائے اور مطالبہ کرتی ہوں گرفتار حریت رہنماوں کو فوری رہا کیا جائے۔