حافظ آباد(نمائندہ نوائے وقت) ڈسٹرکٹ پولیس آفیسر حافظ آباد عاطف نذیر کی زیر نگرانی محکمانہ ترقی کے عمل کو شفاف اور میرٹ کی بنیاد پر یقینی بنانے کے لیے(A) اے لسٹ کے تحریری امتحان کا انعقاد کیا گیا۔ یہ امتحان عارف شہید پولیس لائنز حافظ آباد میں منعقد ہوا جس میں 107 کانسٹیبلان و لیڈی کانسٹیبلان نے حصہ لیا۔تحریری امتحان میں کامیاب امیدوار اگلے مرحلے یعنی انٹرویو کے لیے کوالیفائی کریں گے۔ اس موقع پر ڈی پی او حافظ آباد کا کہنا تھا کہ محکمانہ ترقی کا یہ عمل پولیس اہلکاروں کی کارکردگی میں بہتری لانے کے لیے نہایت اہم ہے جس سے ان کی پیشہ ورانہ صلاحیتوں میں نکھار آئے گا۔ امتحان کے دوران تمام تر انتظامات کو شفاف اور منصفانہ رکھنے کے لیے سخت نگرانی کی گئی تاکہ اہلکار اپنی صلاحیتوں کے مطابق ترقی کے مواقع حاصل کر سکیں۔