اسلام آباد ( خبرنگار خصوصی) کمپلیکس ٹیکسیشن مسائل کی جڑ ہے،ٹاسک فورس نے ٹیکسز کم کرنے کی تجاویز دی ہیں۔گزشتہ سال میں سخت اقدامات سے معیشت مستحکم ہوئی  ہے اب رئیل اسٹیٹ سیکٹر سمیت تمام کاروباروں کو  ریلیف دینا ضروری ہے۔انہوں نے کہا کہ بھاری ٹیکسیشن،زیادہ مارک اپ ریٹ کی وجہ سے تعمیراتی سیکٹر کی گروتھ متاثر ہوئی ہے، 236 سی اور کے،سیون ای،  ایف ای ڈی، لیٹ فائلر ،نان فائلر کی صورت میں اس کو اتنا کمپلیکس کیا گیا ہے کہ ساری سرمایہ کاری دبئی منتقل یا بینکوں میں چلی گئی۔ان خیالات کا اظہار صدر فیڈریشن آف رئیلٹرز پاکستان و ممبر وزیراعظم ٹاسک فورس برائے ہاسنگ سیکٹر سردار طاہر نے کیا ،انہوں نے کہا کہ سٹیل ایک لاکھ روپے ٹن سے تین لاکھ روپے تک چلا گیا جس پر باون ہزار ٹیکس ہے،سیمنٹ کی بوری پانچ سو روپے تک ٹیکس ہے یہ وہ مسائل ہیں جن کی وجہ سے ہاسنگ سیکٹر کی گروتھ شدید متاثر ہوئی ہے ۔انہوں نے کہا کہ اب چونکہ انٹرسٹ کا ریٹ کم ہو رہا ہے پرائم منسٹر نے ایک ٹاسک فورس بنائی ہے جس کا بنیادی مقصد یہ تھا کہ ہم اس شعبے کو ہاسنگ کے شعبے کو ریوائیو کرائیں اور اس میں لوگوں کی جو گھروں کی کمی ہے وہ بھی پورا ہو لو کاسٹ ہاسنگ جو ہے اس کو بھی پرموٹ کیا جائے ۔