اسلام آباد(سپورٹس رپورٹر)پی ایس ایل10کے بقیہ میچز کراچی منتقل کردیئے گئے۔ راولپنڈی میں شیڈول میچ ملتوی کردیاگیا۔پاک بھارت کشیدہ صورتحال کے باعث پاکستان کرکٹ بورڈ(پی سی بی)نے پاکستان سپر لیگ سیزن 10کے بقیہ میچز کراچی منتقل کردیئے ہیں۔ روالپنڈی میں آج شیڈول کراچی کنگز اور پشاور زلمی کا میچ ملتوی کردیا گیا۔ گزشتہ روزراولپنڈی میں ہونے والا میچ بھی ملتوی کردیا گیاہے۔ پی سی بی نے فیصلہ کیا ہے کہ آنے والے دنوں میں ضرورت محسوس ہونے پر بقیہ میچز دبئی منتقل کرنے کا آپشن بھی موجود ہے۔ پی سی بی حکام کے مطابق پنڈی میچز کے ٹکٹس خریدنے والوں کو پیسے ٹی سی ایس آٹ لیٹس سے ری فنڈ کر دئیے جائیں گے۔