لاہور (نامہ نگار) شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعددشہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ ڈاکوؤں نے ہربنس پورہ میں فواد کے گھر میں گھس کر اہلخانہ کو گن پوائنٹ پر یرغمال بناکر5 لاکھ62 ہزار ‘ زیورات،موبائل فون اور دیگر سامان،نواب ٹاؤن میں عظیم کی فیملی سے3 لاکھ ‘زیورات اورموبائل فون، ٹاؤن شپ میں کاشف سے90 ہزار‘ موبائل فون،ساندہ میں وحید سے83ہزار ‘ موبائل فون،رائیونڈ میں سلمان سے 77ہزار‘ موبائل فون، ساندہ میں جنید سے 50ہزار‘موبائل فون،مصری شاہ میں وقار سے 49 ہزار‘ موبائل فون،پرانی انارکلی میں فرحت سے  36ہزار‘ موبائل فون، سبزہ زار میں ارسلان سے 20ہزار ‘ موبائل فون،لٹن روڈ میں ارشد سے9 ہزار‘ موبائل فون لوٹ لیا ۔چوروں نے گرین ٹاؤن میں برکت کے گھر سے5 لاکھ ‘ زیوارات اور دیگر سامان چوری کر لیا۔چوروں نے اقبال ٹاؤن ،ڈیفنس، گرین ٹاؤن اور باغبانپورہ سے 4کاریں جبکہ ہنجروال, ریس کورس, ٹبی سٹی, بھاٹی گیٹ, شاہدرہ ٹاؤن،مزنگ،اسلام پورہ اور قائداعظم انڈسٹریل اسٹیٹ کے علاقوں سے8 موٹر سائیکل چوری کرلئے۔