لاہور(سپورٹس رپورٹر)پاکستان کرکٹ بورڈ نے پاکستان سپر لیگ 10 میں گزشتہ روز8مئی کو راولپنڈی میں ہونے والا کراچی کنگز اور پشاور زلمی کے درمیان میچ ملتوی کر دیا ہے اور نیشنل کرکٹ سٹیڈیم کراچی کی انتظامیہ کو تیار رہنے کی ہدایت کر دی گئی ہے۔ذرائع کے مطابق پی سی بی  نے نیشنل سٹیڈیم کراچی کی انتظامیہ کو تیار رہنے کی ہدایت کر دی ہے ، براڈ کاسٹرز کو بھی پی سی بی کے فیصلے کا انتظار ہے ، میچ کراچی منتقل ہوئے تو انتظامات کیلئے 3 دن درکارہوں گے ، میچز شفٹ ہونے کی صورت میں پنڈی سٹیڈیم میں نصب سامان کراچی منتقل کرنے کی تجویز دی گئی ہے ، فلائٹ شیدول سامان کی منتقلی اور سٹاف کی دستیابی کراچی کے میچز سے مشروط کر دی گئی ہے۔پی سی بی کی جانب سے جاری اعلامیہ میں کہا گیا ہے کہ میچ ری شیڈول کیا جا رہا ہے اور نئی تاریخ کا اعلان بعد میں کیا جائیگا۔میچ کی منسوخی کا فیصلہ تمام سٹیک ہولڈرز کو اعتماد میں لے کر کیا گیا۔ ملتوی میچ کی ٹکٹیں ٹی سی ایس کاؤنٹرز سے واپس کی جا سکیں گی جبکہ آن لائن خریدی گئی ٹکٹوں کی رقم خودکار طریقے سے واپس کر دی جائیگی۔