اسلام آباد(خبرنگار)پاکستان ٹیلی کمیونیکیشن اتھارٹی نے سال 2024 کی تیسری سہ ماہی کے دوران پاکستان کے اٹھارہ سے زائد شہروں میں کیے گئے اپنے سہ ماہی کوالٹی آف سروس (QoS) سروے کے نتائج جاری کیے ہیں۔ سروے کے دوران، کوالٹی آف سروس کے ضوابط کے مطابق موبائل فون آپریٹرز کی کارکردگی کا جائزہ لیا گیاپی ٹی اے کی جانب سے کیے گئے سروے کے نتائج کے مطابق زونگ فورجی نے نیٹ ورک کوریج، موبائل براڈ بینڈ، وائس اور ایس ایم ایس سمیت دیگر کلیدی اشاریوں میں بہترین کارکردگی کا مظاہرہ کرتے ہوئے انڈسٹری میں ایک سرکردہ آپریٹر کے طور پر جگہ بنائی ہے۔ زونگ فورجی نہ صرف عمدگی کا معیار قائم کرتا ہے بلکہ اپنے قابل قدر صارفین کے لیے جدید اور بے مثال کنیکٹیویٹی کی فراہمی جاری رکھے ہوئے ہے موبائل نیٹ ورک کوریج میں زونگ کی ٹاپ رینکنگ جدت طرازی اور صارفین کے اطمینان کے لیے اس کے غیر متزلزل عزم کی عکاسی کرتی ہے۔ جدید ترین ٹیکنالوجی اور بنیادی ڈھانچے میں بڑے پیمانے پر سرمایہ کاری کرکے، زونگ نے صرف 2024 میں ایک ہزار سے زیادہ نئی فورجی سائٹس کا آغاز کیاہے۔ موبائل براڈ بینڈ سروسز میں، زونگ 21.70 ایم بی پی ایس کے متاثر کن ڈان لوڈ تھرو پٹ،کم سے کم تاخیر اور غیر معمولی برازنگ کارکردگی کے ساتھ انڈسٹری کی قیادت کررہا ہے، جو اسے ذاتی اور پیشہ ورانہ ضروریات دونوں کے لیے بہترین انتخاب بناتا ہے۔