لاہور+فیصل آباد(سپورٹس رپورٹر+نمائندہ خصوصی) پی سی بی بنگلہ دیش کرکٹ ٹیم کے دورہ پاکستان کے موقع پر فیصل آباد میں 2 ٹی ٹونٹی میچز کروانے کی منصوبہ بندی کررہا ہے۔ بنگلہ دیش کی ٹیم آئندہ ماہ کے تیسرے ہفتے میں پاکستان کا دورہ کرے گی جس دوران 5 ٹی ٹونٹی میچز کی سیریز کھیلی جائے گی۔ذرائع نے بتایا کہ پاکستان کرکٹ بورڈ سیریز کے 2 ٹی ٹونٹی میچز فیصل آباد میں کرانے کی منصوبہ بندی کررہا ہے اور ممکنہ طور پر ٹونٹی سیریز کے پہلے 2 میچز فیصل آباد میں ہونے کا امکان ہے۔مجوزہ شیڈول کے مطابق میچز 25 ، 27 اور 30 اپریل‘ یکم مئی اور 3 جون کو ہوں گے۔ اقبال سٹیڈیم فیصل آباد میں آخری مرتبہ انٹرنیشنل میچ 11 اپریل 2008 کو پاکستان اور بنگلہ دیش ہی کی ٹیموں کے درمیان ہی کھیلا گیا تھا۔فیصل آباد میں پہلے دو میچز کرانے کی تیاریاں کی جارہی ہیں ۔