لاہور (لیڈی رپورٹر ) پنجاب کے کالجز میں سپورٹس فنڈ میں خوردبرد کی شکایات پر محکمہ ہائر ایجوکیشن نے صوبہ بھر کے کالجز سے ڈیٹا مانگ لیا۔ کالجز کو گزشتہ 14 سال کا ڈیٹا اور ریکارڈ جمع کروانے کی ہدایت کی گئی ہے، ذرائع کا کہنا ہے کہ کئی سال سے سپورٹس فنڈ خرچ کرنے پر سوالات اٹھ رہے تھے، کالجز انتظامیہ طلبہ سے فنڈز لینے کے باوجود خرچ نہیں کر رہی تھیں،کاغذات میں سپورٹس ایونٹ ظاہر کر کے فنڈز میں خوردبرد کی جا رہی تھی۔ محکمہ ہائر ایجوکیشن نے تمام کالجز کو ایک ہفتے کے اندر ڈیٹا ارسال کرنے کی ہدایت کی ہے۔