لاہور(سپورٹس رپورٹر) بھارتی ٹیم اپنے دورہ انگلینڈ کے دوران کینٹ کاؤنٹی کرکٹ کلب کے دائرہ اختیار کے تحت ایک گراؤنڈ بیکن ہیم میں بھارتی اے کیخلاف بند دروازے کے پیچھے وارم اپ میچ کھیلے گی۔ یہ لندن کے قریب ایک مضافاتی چوکی ہے۔ انٹرا سکواڈ میچ بنیادی طور پر بھارت بمقابلہ بھارت اے کو نشر کرنے کی متعلقہ حکام سے منظوری نہیں ملی،بھارتی ٹیم نے میچ کو کیمرے سے دور رکھنے کو ترجیح دی۔رپورٹ کے مطابق انٹرا سکواڈ میچ واحد پریکٹس میچ ہے جو لیڈز کے ہیڈنگلے میں 20 جون سے شروع ہونے والے پہلے ٹیسٹ سے پہلے شیڈول ہے۔پریکٹس میچ 13 جون کے آس پاس ہونے والا ہے۔بھارتی ٹیم کی جون کے دوسرے ہفتے میں انگلینڈ پہنچنے کی توقع ہے۔ ٹیم کا انتخاب مئی میں کسی وقت متوقع ہے۔ بحث ہوگی کہ روہت شرما ٹیم کی قیادت کریں گے یا نہیں۔ اس بارے میں متضاد اشارے ملے ہیں۔لیڈز میں 20 جون سے پہلے ٹیسٹ کے بعدبھارتی ٹیم ایجبسٹن میں 2 سے 6 جولائی تک دوسرے ٹیسٹ کیلئے برمنگھم جائیگی۔ تیسرا ٹیسٹ 10 سے 14 جولائی تک لارڈز میں کھیلا جائیگا۔ چوتھا ااولڈ ٹریفورڈ، مانچسٹر میں (23 سے 27 جولائی تک) اور5واں لندن کے اوول میں (31 جولائی سے 4 اگست تک) ہوگا۔