لاہور(سپورٹس رپورٹر) بنگلہ دیش نے زمبابوے کو ٹیسٹ سیریز کا دوسرا میچ ایک اننگز اور 106رنز سے ہرا کر دومیچوںکی سیریز ایک ایک سے برابر کردی ۔ زمبابوے کے پہلی اننگز کے 227رنز کے جواب میںمیزبان بنگلہ دیش نے 444رنز بنائے ۔ شاد مان اسلام 120اور مہدی حسن میراز 104رنز بناکر نمایاں رہے ۔ ونسنٹ مساکذا نے پانچ کھلاڑیوں کوآئوٹ کیا ۔ زمبابوے کی ٹیم دوسری اننگزمیں111رنز پر ڈھیر ہوگئی۔صرف تین کھلاڑی ڈبل فیگر میں داخل ہوسکے۔ بین کیوران 46رنز بنا کر نمایاں رہے ۔ مہدی حسن میراز نے پانچ کھلاڑیوں کو آئوٹ کیا ۔ مہدی حسن میراز کو میچ اور سیریز کا بہترین کھلاڑی قرار دیا گیا ۔