لاہور(نیوز رپورٹر) پنجاب پبلک سروس کمیشن میں میرٹ اور شفافیت کی بنیاد پر بھرتی کا عمل جاری ہے۔ پنجاب پبلک سروس کمیشن نے 5 محکمہ جات کی مختلف آسامیوں کے بھرتی کے عمل کو میرٹ اور شفافیت کی بنیاد مکمل کر کے نتائج کا اعلان کر دیاہے۔ محکمہ ایکسائز اینڈ نارکوٹکس کنٹرول میں انسپکٹر ایکسائزاینڈ ٹیکسیشن ملتان ریجن کیلئے 5امیدوار کامیاب ہوئے۔ پنجاب فوڈ اتھارٹی میں اسسٹنٹ ڈائریکٹر لیگل اینڈ پراسیکیوشن کیلئے 12 امیدوار سیٹ حاصل کرنے میں کامیاب رہے۔ اس کے علاوہ محکمہ لیبر اینڈ ہیومن ریسورس میں اسسٹنٹ ڈائریکٹر کیلئے 2امیدوار جبکہ لیبر انسپکٹر کیلئے 13امیدوار کامیاب ہوئے۔ محکمہ سپیشلائزڈ ہیلتھ کیئراینڈ میڈیکل ایجوکیشن میں سینئر رجسٹرار پلمونولوجی کیلئے   8 امیدوار سیٹ حاصل کرنے میں کامیاب رہے جبکہ سینئر رجسٹرار پلمونولوجی کیلئے سپیشل پرسن کوٹہ کی ایک سیٹ امیدوار کی عدم دستیابی کی وجہ سے خالی رہی۔