پشاور(نیٹ نیوز)   پی ٹی آئی کے مرکزی سیکرٹری اطلاعات شیخ وقاص اکرم نے  نجی ٹی وی  سے گفتگو  کرتے ہوئے تصدیق کی کہ جمعیت علما  اسلام  (جے یو آئی) کے سربراہ مولانا فضل الرحمان نے اپوزیشن کے گرینڈ الائنس میں شامل ہونے سے انکار کردیا ہے۔ انہوں نے کہا  مقامی سیاست سے متعلق مولانا فضل الرحمان کے کچھ خدشات تھے، بانی پی ٹی آئی کی ہدایت پر مولانا فضل الرحمان کوخدشات دور کرنے کی یقین دہانی کرائی گئی تھی۔شیخ وقاص اکرم کے مطابق مولانا فضل الرحمان نے پہلے پارٹی سے مشاورت کے لیے وقت مانگا اور پھر انکار کردیا۔شیخ وقاص اکرم نے کہا  انتخابی اتحاد جب ہوتے ہیں تو کچھ لے دے ہوتا ہے۔ معدنیات کے بل کے حوالے سے بانی پی ٹی آئی کا بیان آچکا ہے، معدنیات بل پر پہلے وزیراعلیٰ علی امین گنڈاپور بانی پی ٹی آئی کو بریفنگ دیں گے، بانی پی ٹی آئی کی مرضی ہوگی تو بل پاس ہوگا ورنہ نہیں ہوگا، معدنیات بل کے حوالے سے پارٹی میں کوئی تقسیم نہیں ۔