وزیر اعلی پنجاب کی معاون خصوصی اطلاعات فردوس عاشق اعوان نے کہا ہے کہ پی ٹی آئی عوام کی خادم جماعت کے طور پر کام کر رہی ہے، حکومت نے جو وعدے کیے وہ پورے کر رہی ہے ، ہم نے قانون کی حکمرانی کو ترجیح دی، پنجاب اسمبلی نے 75 بل پاس کیے ہیں،اپوزیشن کے ہوتے ہوئے مختلف قوانین میں ترمیم کی ہیں۔ وزیر اعلی پنجاب کی معاون خصوصی فردوس عاشق اعوان نے پریس کانفرنس کرتے ہوئے کہا کہ حکومت نے جو وعدے کیے وہ پورے کر رہی ہے جبکہ ہم نے قانون کی حکمرانی کو ترجیح دی۔ انہوں نے کہا کہ پاکستان تحریک انصاف (پی ٹی آئی) عوام کی خادم جماعت کے طور پر کام کر رہی ہے۔ پنجاب اسمبلی میں عوامی ایجنڈے کو اہمیت دی جا رہی ہے جبکہ پنجاب اسمبلی نے 75 بل پاس کیے ہیں اور اپوزیشن کے ہوتے ہوئے مختلف قوانین میں ترمیم کی ہیں۔ فردوس عاشق اعوان نے کہا کہ مشکلات کے باوجود اصلاحات اور قانون سازی کا عمل جاری رکھے ہوئے ہیں۔ انہوں نے کہا کہ کورونا خطرات کے باوجود خوشاب ضمنی انتخاب جاری ہے اور امید ہے الیکشن کمیشن اپنی ذمہ داریاں بطریق احسن انجام دے گا۔
علی امین گنڈا پور کی ’’سیاسی پہچان‘‘ اور اٹھتے سوالات
Apr 25, 2024