لاہور (کلچرل رپورٹر) معروف اداکار و پروڈیوسر عرفان کھوسٹ کی نئی ڈرامہ سیریل ”کلموہی“ مکمل ہو گئی ہے اور بہت جلد پی ٹی وی سے ٹیلی کاسٹ ہو گی۔ سیریل کی کاسٹ میں ثانیہ سعید، شامل خان، سہیل سمیر، تسنیم کوثر، سیماب مظفر، راشد محمود، کنزیٰ ملک، نسرین قریشی، حسن مراد، عرفان کھوسٹ اور ثمینہ پیرزادہ شامل ہیں۔ سیریل کے ڈائریکٹر سرمد سلطان کھوسٹ اور رائٹر سیمل نعمان ہیں، آرٹ ڈائریکٹر کنول کھوسٹ ہیں، پروڈیوسر عرفان کھوسٹ ہیں۔ عرفان کھوسٹ نے نمائندہ نوائے وقت سے گفتگو کرتے ہوئے کہا کہ یہ سیریل عورتوں کے مسائل پر بنائی گئی ہے۔ سیریل کا سبجیکٹ بہت اچھا ہے۔ امید ہے کہ لوگ اسے پسند کریں گے۔