افغاستان کیساتھ ٹی ٹونٹی سیریز کھیلنے کے لیے قومی کرکٹ ٹیم دبئی روانہ ہو گئی ہے۔

قومی ٹیم شام 4 بجے کی پرواز میں سوار ہوکر نیشنل کرکٹ اکیڈمی سے روانہ ہوئی۔ دونوں ممالک کے درمیان تین میچز کی سیریز بالترتیب 24، 26 اور 27 مارچ کو شارجہ میں کھیلی جائیگی۔ذرائع کے مطابق محمد یوسف ذاتی وجوہات کی بنا پر متحدہ عرب امارات( یو اے ای) کا سفر نہیں کریں گے۔ ان کی غیر موجودگی میں ہیڈ کوچ عبدالرحمان بیٹنگ کوچ کی اضافی ذمہ داریاں سنبھالیں گے۔بعد میں محمد یوسف نے سماجی رابطے کی ویب سائٹ ٹویٹر پر لکھا کہ میرے افغانستان نہ جانے کی وجہ اہلیہ کی طبیعت خراب ہونا ہے، میری سب سے دعاؤں کی درخواست ہے۔دبئی روانہ ہونے والی سکواڈ میں 14 کھلاڑی اور معاون عملے کے نو افراد شامل ہیں۔ نسیم شاہ پہلے ہی دبئی میں ہیں اور آج ٹیم ہوٹل میں ٹیم کو جوائن کریں گے۔

استحکام پاکستان پارٹی کے قائد جہانگیر ترین آج رات برطانیہ جائیں گے

دوسری طرف افغانستان کرکٹ ٹیم کے سپنر راشد خان اپنی ٹیم کی قیادت کرینگے، افغان سکواڈ 17 رکنی ٹیم پر مشتمل ہے۔اے سی بی کے چیف ایگزیکٹو نصیب خان نے کہا کہ بہترین دستیاب کھلاڑیوں کا انتخاب کیا گیا ہے۔ ہماری ٹیم تربیتی کیمپ میں سخت محنت کر رہی ہے، سلیکٹرز نے سیریز کے لیے بہترین دستیاب کھلاڑیوں کا انتخاب کیا ہے۔ یقین ہے ہماری ٹیم اپنی بہترین کارکردگی کا مظاہرہ کرے گی اور قوم کا سر فخر سے بلند کرے گی۔ نومبر میں ٹی ٹوئنٹی ورلڈ کپ کے بعد عہدہ چھوڑنے والے سابق کپتان محمد نبی بھی سکواڈ کا حصہ ہیں۔

قومی سکواڈ

آئی ایم ایف کی شرط مسترد، بجٹ میں سبسڈی کیلئے رقم مختص

شاداب خان (کپتان)، عبداللہ شفیق، اعظم خان، فہیم اشرف، افتخار احمد، احسان اللہ، عماد وسیم، محمد حارث، محمد نواز، محمد وسیم جونیئر، نسیم شاہ، صائم ایوب، شان مسعود، طیب طاہر، زمان خان

افغان سکواڈ:

راشد خان (کپتان)، رحمان اللہ گرباز، ابراہیم زدران، عثمان غنی، صدیق اللہ اتل، نجیب اللہ زدران، افسر زازئی، کریم جنت، محمد نبی، عظمت اللہ عمرزئی، گلبدین نائب، شرف الدین اشرف، نور احمد، مجیب الرحمان، فرید احمد ، فضل الحق فاروقی، نوین الحق۔