آسٹریلیا کے پچاس لاکھ آبادی والے شہر میلبورن میں کورونا وائرس کی دوسری لہر کے باعث بدھ کی شب سے چھ ہفتوں کے لیے دوبارہ لاک ڈاﺅن نافذ کردیاگیا۔میڈیارپورٹس کے مطابق شہریوں نے دوسرے لاک ڈاﺅن کے نفاذ پر افسوس اور ناپسندیدگی کا اظہار کیا جبکہ چھوٹے کاروباری افراد کا کہنا تھا کہ انھیں خدشہ ہے کہ کیا وہ اس لاک ڈاﺅن کے باعث اپنا کاروبار بچا بھی پائیں گے۔آسٹریلوی وزیر اعظم کا دوبارہ لاک ڈان کا نفاذ کرنے کے متعلق کہنا تھا کہ یہ آپ کا امتحان لے گا لیکن آپ ایک مرتبہ پہلے بھی ایسا کر چکے ہیں اور آپ اس بار بھی اس کو مکمل کرنے میں کامیاب ہوں گے۔انھوں نے چھوٹے کاروباری افراد کا حوصلہ بڑھاتے ہوئے کہا کہ قوم آپ کے ساتھ ہے اور ہم ہر روز آپ کا ساتھ دیں گے۔ان کا کہنا تھا کہ آسٹریلوی ریاست وکٹوریا نے دیگر ملک سے خود ساختہ تنہائی اختیار کر لی ہے کیونہ وہاں حال ہی میں چند افراد میں وائرس کی تصدیق ہوئی ہے۔آسٹریلوی ریاست وکٹوریا کے سربراہ کا ڈینیئل اینڈریو نے نئی پابندیوں پر معافی مانگتے ہوئے کہا کہ اس کے علاوہ کوئی حل نہیں تھا۔انھوں نے ریاست میں 134 نئے متاثرین کی تصدیق کرتے ہوئے کہا کہ اس وقت مجموعی طور پر 860 افراد وائرس سے متاثر ہیں۔
ایرانی صدر کا دورہ، واشنگٹن کے لیے دو ٹوک پیغام؟
Apr 24, 2024