فروغ تعلیم سے ملک کی تقدیر  بدلے گی: قمرالزمان بابر

لاہور (کامرس رپورٹر) تعلیم کے بغیر کوئی تبدیلی آئیگی نہ ہی ملک کی تقدیر بدلے گی۔ وفاقی اور صوبائی حکومتیں سب سے زیادہ وسائل فروغ تعلیم پر لگائیں۔ آج پاکستان کو دہشت گردی سمیت جن چیلنجز کا سامنا ہے ان کا مقابلہ صرف اور صرف علم کے ہتھیار سے ہی ممکن ہے۔ پاکستان پیس گروپ کے سربراہ اور اردو بازار کی سپریم کونسل کے چیئرمین قمر الزمان بابر نے کہا کہ تعلیم ہی ہمارا مستقبل ہے۔ حکومت تعلیمی شعبے کو سب سے زیادہ مراعات دے۔ قائداعظمؒ نے بھی حصول تعلیم کو ہی طلبہ کی منزل قرار دیا تھا۔