انسداد پولیو قومی فریضہ ہے، ٹیمیں جانفشانی سے کام کریں:کمشنر لاہور

لاہور(خبرنگار)کمشنرلاہور زید بن مقصود نے انسداد پولیو جاری مہم کے تیسرے روز ماڈل ٹاون اتفاق ہسپتال کے ایریا میں مصروف کار پولیو فیلڈ ٹیموں کا جائزہ لیا۔ اے سی ماڈل ٹاون صاحبزادہ یوسف نے پولیو ٹیموں کی کارکردگی بارے کمشنر لاہور کو بریفنگ دی۔ کمشنر لاہور نے ریکارڈ رجسٹر، انسداد پولیو مائکروپلان، یو سی نقشہ اور پولیو ٹیموں سے ایپ کے ذریعے ڈیٹا اپلوڈنگ کو خصوصی طور پر چیک کیا۔انہوں نے کہا انسداد پولیو قومی فریضہ ہے، پولیو ٹیمیں جانفشانی سے کام کریں۔اپیل کرتے ہوئے کہا فیلڈ ٹمیں جانفشانی سے ہر دروازے پر دستک دے رہی ہیں۔ شہری اور والدین مکمل تعاون کریں۔