وزیراعظم عمران خان نے ترکی میں زلزلے سے ہونیوالے جانی و مالی نقصان پر اظہار افسوس کیا ہے ۔وزیر اعظم عمران خان نے سماجی رابطے کی ویب سائٹ ٹوئٹر پر ترکی کے شہر ازمیر میں زلزلے میں جانی و مالی نقصان پر اظہار افسوس کرتے ہوئے کہا کہ ہم پاکستان اور آزاد کشمیر میں سال 2005 کے زلزلے میں ترکی کی امداد کو کبھی فراموش نہیں کرسکتے۔انہوں ںے کہا کہ مشکل کی اس گھڑی میں ترک عوام کے ساتھ کھڑے ہیں اور ہر طرح کی مدد کرنے کو تیار ہیں جو ہم کر سکتے ہیں۔گزشتہ روز ترکی میں آنے والے زلزلے کے نتیجے میں 24 سے زائد افراد جاں بحق اور 800 زخمی ہو چکے ہیں جبکہ یونان میں بھی زلزلے کی وجہ سے 2 افراد جاں بحق ہوئے۔ 

 ضلعی انتظامیہ جلسے کی تیاریوں میں رکاوٹ ڈال رہی ہے:  یوسف رضا