ملائشیا اورپاکستان اسلامو فوبیا جیسے چیلنجز کا مل کر مقابلہ کر سکتے ہیں‘سکگو عزمی عبدالحمید

اسلام آباد(خبرنگار)چیئرمین سینیٹ سید یوسف رضا گیلانی سے کوالالمپور میں ملائشیا کی مشاورتی کونسل برائے اسلامی تنظیم کے صدر سکگو عزمی عبدالحمید(ستارہ پاکستان)نے ملاقات کی۔ سکگو عزمی عبدالحمید ملائشیا میں انسانی حقوق اور خاص طور پر اقلیتوں کے حقوق کے حوالے سے ایک سرکردہ کارکن کے طور پر کام کر رہے ہیں اور بھارتی مقبوضہ کشمیر کے عوام کے حق میں بھی آواز بلند کرتے رہتے ہیں۔ سکگوعزمی عبدالحمید نے چیئرمین سینیٹ کو اپنی تنظیم کی کارکردگی اور اغراض و مقاصد کے بارے میں تفصیلی اگاہ کیا۔ اور انہوں نے چیئرمین سینٹ کو مقبوضہ کشمیر کے عوام کی اور دنیا کے مختلف ممالک میں مظلوم مسلمانوں کی امداد کے لیے اٹھاے گئے اقدامات پر بریفنگ دی۔ سکگو عزمی عبدالحمید نے کشمیری عوام کے لیے امداد پر پاکستانی بہنوں اور بھائیوں کی کاوشوں کو بھی سراہا ۔ چیئرمین سینٹ نئے سکگو عزمی عبدالحمید کی کاوشوں کی تعریف کی چیئرمین سینٹ نے پاکستان اور ملائشیا کے تعلقات کو اہم قرار دیتے ہوئے کہا کہ دونوں ملک اسلامو فوبیا جیسے چیلنجز کا مل کر مقابلہ کر سکتے ہیں۔ چیئرمین سینٹ نے عالمی سطح پر تنازعات کے پرامن حل کے لیے ڈائیلاگ کی اہمیت پر زور دیا اور کہا کہ اس طریقے سے ہم ایک پرامن دنیا کے خواب کو شرمندہ تعبیر کر سکتے ہیں۔