مارکیٹوں میں لیڈیز پولیس سکواڈ کے بہترین نتائج ملے :آئی جی پنجاب 

لاہور(نامہ نگار)انسپکٹر جنرل پنجاب ڈاکٹر عثمان انور کی صدارت میں سنٹرل پولیس آفس پنجاب لاہور میں اہم اجلاس منعقد ہوا۔آئی جی پنجاب ڈاکٹر عثمان انور نے رمضان المبارک میں بہترین سکیورٹی انتظامات پر پولیس فورس کو شاباش دی اور ہدایت کی کہ عید الفطر پر بھی مساجد، مارکیٹوں اور حساس و تفریحی مقامات کو بھرپور سکیورٹی فراہم کریں۔ مارکیٹوں میں لیڈیز پولیس سکواڈ کے بہترین نتائج سامنے آئے ہیں۔کرائم کنٹرول ڈیپارٹمنٹ جلد فعال،5.6 ارب روپے فنڈز اور4 ہزار سیٹوں کی منظوری دی جا چکی ہے۔رائٹ مینجمنٹ پولیس کیلئے 2000 سیٹوں کی منظوری اور شہداء پیکج کی اپ گریڈیشن کی گئی ہے۔سی سی ڈی،رائٹ مینجمنٹ پولیس اور پیرا کی تشکیل سے پنجاب پولیس میں4 سے5 ہزار مزید پروموشنز ہوں گی۔اس سلسلے میں قانون سازی مکمل ہے اور سی سی ڈی کے مختلف عہدوں پر جلد ٹرانسفر پوسٹنگز ہوں گی۔سی سی ڈی انفراسٹرکچر،ہیومن ریسورس، ٹرانسپورٹ کیلئے آر پی اوز اور ڈی پی اوز اقدامات یقینی بنائیں۔ڈی پی اوز سنگین جرائم کے اشتہاری مجرمان،شوٹرز، گینگز،اغوا کاروں،منشیات فروشوں اور موٹر سائیکلز و کار چوروں کے اہداف فوری طور پر سی سی ڈی کو دیں۔متحرک کریمنلز کا سنٹرلائزڈ ڈیٹا مرتب کرکے فالو اپ میکانزم تشکیل دیں۔