کرکٹ آسٹریلیا کا ہوم انٹرنیشنل سیزن کے شیڈول کا اعلان

لاہور(سپورٹس رپورٹر)کرکٹ آسٹریلیا نے اپنے ہوم انٹرنیشنل سیزن کے شیڈول کا اعلان کر دیا۔اس سیزن میں آسٹریلیا کے 11 شہروں کے 14 مختلف میدانوں میں انٹرنیشنل میچز ہوں گے۔جنوبی افریقہ، بھارت اورانگلینڈ کی ٹیمیں آسٹریلیا کا دورہ کریں گی۔ جنوبی افریقہ اور آسٹریلیا کے درمیان 3 ٹی ٹونٹی اور 3 ون ڈے میچز کی سیریز 10 اگست سے شروع ہوگی۔آسٹریلیا اور بھارت کے درمیان 3 ون ڈے اور 5 ٹی ٹونٹی میچز کی سیریز کھیلی جائیگی، پہلا ون ڈے 19 اکتوبر کو پرتھ، دوسرا 23 اکتوبر کو ایڈیلیڈ اور تیسرا 25 اکتوبر کو سڈنی میں ہوگا۔پہلے دو ٹی ٹونٹی میچز 29 اکتوبر کو کینبرا اور 31 اکتوبر کو میلبورن میں کھیلے جائیں گے، آخری تین ٹی ٹونٹی میچز 2، 6 اور 8 نومبر کو ہوبارٹ، گولڈ کوسٹ اور برسبین میں کھیلے جائیں گے۔21 نومبر سے شروع ہونے والی ایشیز سیریز کا ڈے اینڈ نائٹ ٹیسٹ میچ برسبین میں اور کرسمس ٹیسٹ ایڈیلیڈ میں کھیلا جائیگا۔بھارت کی ویمنز ٹیم فروری 2026 ء میں آسٹریلیا کا دورہ کریگی، جہاں وہ 3 ٹی ٹونٹی، 3 ون ڈے اور 1 ڈے اینڈ نائٹ ٹیسٹ میچ کھیلے گی۔