سمندری حدود کی خلاف ورزی پر گرفتار 52 بھارتی ماہی گیروں کو جوڈیشل ریمانڈ پر جیل روانہ کردیا گیا
کراچی (وقائع نگار)جوڈیشل مجسٹریٹ غربی نے سمندری حدود کی خلاف ورزی پر گرفتار 52 بھارتی ماہی گیروں کو جوڈیشل ریمانڈ پر جیل روانہ کردیاہے ۔جمعے کو جوڈیشل مجسٹریٹ غربی کے روبرو ڈاکس پولیس نے سمندری حدود کی خلاف ورزی پر میری ٹائم سیکورٹی ایجنسی کے ہاتھوں گرفتار 52 بھارتی ماہی گیروں کو پیش کیا۔عدالت نے گرفتار تمام بھارتی ماہی گیروں کو عدالتی تحویل میں جیل روانہ کردیا۔۔یہ بات واضح رہے کہ میری ٹائم سیکورٹی ایجنسی نے گزشتہ روز سمندری حدود کی خلاف ورزی کرنے پر کھلے سمندر میں کارروائی کرتے ہوئے 52 بھارتی ماہی گیروں کو گرفتار کرکے ڈاکس پولیس کے حوالے کیا تھا۔ میری ٹائم سیکورٹی ایجنسی نے گرفتار ماہی گیروں کی 9 کشتیاں بھی قبضے میں لی تھیں
بھارتی ماہی گیروں