دسمبر میں مہنگائی 80 ماہ کی کم ترین سطح آئی: وزارت خزانہ 

اسلام آباد (نمائندہ  خصوصی) وزارت خزانہ مہنگائی کی شرح 80 ماہ کی کم ترین سطح پر آنے کا دعویٰ کیا ہے۔ وزارت خزانے کے جاری کیے گئے اعداد و شمار کے مطابق مالی سال 2024ء کے پہلے 6ماہ میں مہنگائی کی شرح 7.2 فیصد رہی جو  گزشتہ سال 28.8 فیصد تھی۔ دسمبر 2024ء میں مہنگائی کی شرح 4.1 فیصد ریکارڈ کی گئی، جو 80 ماہ کی کم ترین سطح ہے۔ رپورٹ کے مطابق شرح تبادلہ کے استحکام، مالیاتی نظم و ضبط اور بہتر سپلائی نے مہنگائی کم کرنے میں مدد دی۔ اسی طرح غیر قانونی فارن ایکسچینج کمپنیوں، سمگلنگ اور ذخیرہ اندوزی کے خلاف سخت کارروائیوں کے بھی معیشت پر مثبت اثرات ظاہر ہو رہے ہیں۔ وزارت خزانہ کے مطابق حساس قیمت اشاریہ (SPI) میں جنوری 2025ء کے آخری 4 ہفتوں میں مسلسل کمی ہوئی ہے۔ 23 جنوری 2025ء کو ختم ہونے والے ہفتے میں SPI میں 0.77 فیصد کمی ریکارڈ کی گئی۔ اعداد و شمار میں بتایا گیا ہے کہ 51 اشیاء میں سے 12 کی قیمتوں میں کمی، 14 کی قیمتوں میں اضافہ جب کہ  25 اشیاء کی قیمتیں مستحکم رہیں۔