یو اے ای: خاتون نے خاوند کے موبائل سے خود کو ہی طلاق کا پیغام بھیج دیا عدالت میں بھانڈہ پھوٹ گیا

31 جنوری 2018

دبئی (این این آئی) متحدہ عرب امارات کی ایک خاتون نے اپنے خاوند کے ظلم و ستم سے دلبرداشتہ ہوکر اس کے فون سے اپنے آپ کو خود ہی طلاق کا پیغام بھیج دیا۔تاہم خاتون کی اس حرکت کا بھانڈا عدالت میں پھوٹ گیا۔میڈیا رپورٹ کے مطابق خاتون کا شوہر گہری نیند سو رہا تھا کہ خاتون نے اس کی انگلی کی مدد سے اس کا فون ان لاک کر کے خود ہی اپنے آپ کو اس کے موبائل سے تین بار طلاق کا پیغام بھیج دیا ۔ خاتون نے اس کے بعد عدالت سے رجوع کیا اور بطور ثبوت موبائل فون کا پیغام پیش کیا، لیکن عدالت معاملے کی تہہ تک پہنچ گئی۔دبئی کے پرسنل اسٹیٹس کورٹ کے حکام نے خاتون سے پوچھا کہ کیا وہ یقین سے سب کہہ سکتی ہیں جس پر خاتون نے اپنے فعل کا اعتراف کر لیا۔رپورٹ کے مطابق خاتون کی شادی کو 3 سال ہوچکے تھے، لیکن ان کے اپنے شوہر سے تعلقات اچھے نہیں تھے۔دوسری جانب خاتون کے خاوند نے اسے پریشان کرنے کیلئے طلاق دینے سے انکار کردیا تھا۔