کراچی (وقائع نگار) سندھ ہائیکورٹ نے گنے کی قیمت کے تعین سے متعلق نیا حکم امتناع جاری کرتے ہوئے فریقین کی باہمی مشاورت سے فی من گنے کی قیمت 160 روپے مقرر کر دی ہے۔ منگل کو سندھ ہائیکورٹ کے دو رکنی بنچ کے روبرو چیف سیکرٹری ایڈووکیٹ جنرل و دیگر نے موقف اپنایا کہ شوگر ملز مالکان کا موقف ہے کہ شوگر کا اسٹاک پہلے ہی سے ان کے پاس ہے‘ سندھ حکومت شوگر پر سبسڈی دے رہی ہے کاشتکاروں کی بہتری کے لئے اقدامات کر رہے ہیں لیکن مزید سبسڈی نہیں دے سکتے شوگر ملز مالکان نے 155 فی من گنا خریدنے پر آمادگی ظاہر کر دی جبکہ کاشتکاروں کا کہنا تھا کہ 162 فی من گنا ہمیں بورڈ کے اجلاس میں آفر کر چکے ہیں اسی پر عملدرآمد کرایا جائے۔

نیا حکم امتناع