نگران وزیراعلیٰ پنجاب محسن نقوی نے رمضان المبارک میں لاہور سمیت بڑے شہروں میں رات کو کھیلوں کے مقابلے کرانے کا اعلان کردیا ، دس رمضان المبارک سے نائٹ سپورٹس ایونٹس کا انعقاد کیا جائے گا،لاہو رسمیت بڑے شہروں میں ٹیپ بال کرکٹ ٹورنامنٹ، فٹ بال اور ہاکی کے نائٹ مقابلے ہوں گے۔نگران وزیراعلیٰ محسن نقوی نے جشن بہاراں کے منتظمین اور سپورٹس مقابلوں میں پوزیشن لینے والے کھلاڑیوں کے اعزاز میں منعقدہ تقریب میں اس  امر کااعلان کیا۔ محسن نقوی نے جشن بہاراں کے منتظمین اور سپورٹس مقابلوں میں پوزیشن لینے والے کھلاڑیوں کو وزیراعلیٰ آفس میں  انعامی رقوم کے چیک دیے۔ محسن نقوی نے جشن بہاراں اور سپورٹس مقابلوں کے منتظمین کو سرٹیفکیٹس سے نوازا ۔ محسن نقوی نے 42 کلو میٹر میراتھن میں پہلی پوزیشن حاصل کرنے پر اتھلیٹ عامر سہیل کو 10لاکھ روپے کا چیک دیا ،میراتھن میں دوسری پوزیشن پراسرار احمد کو 5 لاکھ اورتیسری پوزیشن پر عبدالرشید کو 3لاکھ روپے کے چیک دئیے گئے۔فن ریس جیتنے پر عامر عباس کو 50ہزار، سمیع اللہ کو 35ہزار اور اسامہ حسن کو 25ہزار روپے کے چیک دیے ، خواتین کی میراتھن کا مقابلہ جیتنے پر رابعہ عاشق 50ہزار، خدیجہ قادر 35ہزار اور کبریٰ صادق کو 25ہزار روپے کا چیک ملا ،42کلو میٹر سائیکلنگ میں علی الیاس کو 4لاکھ، عبدالباسط کو 2لاکھ اور عاقب شاہ کو ایک لاکھ روپے کا چیک ملا ۔خواتین سائیکلنگ کی ونر راجیہ شبیر کو 50ہزار، رضیہ حنیف کو35 ہزار اور زینب رضوان کو 25ہزار روپے کا چیک ملا رستم پنجاب دنگل جیتنے پر عدنان ٹائراں والا کو 3لاکھ روپے کی انعامی رقم کا چیک ملا ۔اس موقع پر محسن نقوی کا کہنا تھا کہ جشن بہاراں کی تقریبات میں ہزاروں شہریوں کی شرکت خوش آئندامر ہے۔ نوجوانوں کے لئے مزید سپورٹس ایونٹ لے کر آئیں گے۔  سیکرٹری سپورٹس، سیکرٹری اطلاعات، سیکرٹری ہائرایجوکیشن، سی سی پی اولاہور، کمشنر، ڈپٹی کمشنر اور دیگر افسران کو تعریفی اسناد دی گئیں ، صوبائی وزیر اطلاعات و ثقافت عامر میر، صوبائی مشیر کھیل وہاب ریاض، پنجاب سائیکلنگ ایسوسی ایشن، اتھلیٹک ایسوسی ایشن، ریسلنگ ایسوسی ایشن کے نمائندوں نے تقریب میں شرکت کی۔

انگلینڈ میں ویک اینڈ پر شدید گرمی کا خدشہ