لکی مروت:محفل موسیقی کے دوران 2 گروپوں میں فائرنگ، نوجوان جاںبحق، 2 زخمی

30 مارچ 2018

لکی مروت (صباح نیوز) جھنگ خیل میں محفل موسیقی کے دوران دو گروپوں میں فائرنگ کے تبادلے سے ایک نوجوان بلقیاز جاں بحق اور دو زخمی ہوگئے، پولیس نے دوملزمان گرفتار کرکے مقدمہ درج کرلیا۔

پولیس کا کہنا کہ فریق اول کی طرف سے منور خان نے درہ پیزو کے تھانہ شہید ہیبت علی خان میں رپورٹ درج کراتے ہوئے بتایا کہ گذشتہ شب ان کی بیٹھک میں موسیقی پروگرام جاری تھا اچانک فائرنگ کی آواز سنی رشتے داروں کے ہمراہ باہر نکل کر ملزمان جمیل خان، زیب اللہ، عزیز اللہ اور مجیب الرحمان کو دیکھ کر انہیں فائرنگ نہ کرنے کا کہا ملزمان نے ہم پر فائرنگ کردی جس سے بلقیاز اور لیاقت اللہ زخمی ہوگئے بعد میں بلقیاز زخموں کی تاب نہ لاکر دم توڑ گئے فریق دوم کی طرف سے مجیب الرحمان نے ایف آئی آر درج کراتے پولیس کو بتایا کہ اپنے بھائی جمشید خان کے ہمراہ عبدالحمید خان کی بیٹھک میں منعقدہ موسیقی پروگرام میں شریک تھا کہ ملزمان بہرام خان، معین الدین، رشید عالم اور منور خان نے وہاں آکر فائرنگ کردی جس سے جمشید خان زخمی ہوگئے ملزمان کے ساتھ قتل مقاتلے کی دشمنی ہے پولیس نے دو ملزمان منور خان اور مجیب الرحمان کو گرفتار کرکے مقدمات درج کر لئے۔
نوجوان قتل