مصر: السیسی 92فی صد ووٹ لیکر دوسری مدت کے لئے صدر منتخب

30 مارچ 2018

قاہرہ ( اے ایف پی) عبدالفتح السیسی 92فیصد ووٹ لے کر دوسری مدت کے لئے مصر کے صدر منتخب ہو گئے ۔ مصر کے سرکاری میڈیا کے مطابق عبدالفتح السیسی نے 92فیصد ووٹ حاصل کر لئے ہیں۔ مصر میں گزشتہ تین دنوں سے ووٹنگ کا سلسلہ جاری تھا۔ مصری حکومت کی کوششوں کی باوجود اس مرتبہ ٹرن آئوٹ کم رہا ہے۔ الیکشن کمیشن کے مطابق حتمی نتائج کا اعلان پیر کے روز کیا جائے گا۔