اورنج ٹرین اور میٹروبس بناکر عوام کے وسائل کو ضائع کیا گیا:ایاز موتی والا

30 مارچ 2018

کراچی (پ ر)کراچی تاجرالائنس ایسوسی ایشن کے چیئرمین و بانی عام آدمی پاکستان ایاز میمن موتی والا نے کہاہے کہ لاہور میں عوا م کی بے بسی کا تماشہ دیکھ کر آرہاہوں،لاہور میں اورنج ٹرین اور میٹروبس بناکر عوام کے وسائل کو ضائع کیا گیا،ترقیاتی کاموں کے نام پر لوٹ مار کے ساتھ پورے شہر کو اکھاڑ رکھا ہے ،ترقیاتی منصوبوں پر کھودی جانے والی سڑکوں سے بدترین ٹریفک جام کرکے پٹرول مافیااور ڈیزل مافیاکو فائدہ پنچایا جارہاہے،ان خیالات کااظہار انہوںنے لاہور سے تین روزہ دورے سے کراچی واپسی کے موقع پر کیا۔حمیدالدین ،معراج احمدخان، سیدمحمد سعید ،عامرضیائ،غلام یاسین ،خورشید عالم،عمارابدانی ،محمد اسماعیل، سہل افضل، معراج قریشی ،حاجی محمداسماعیل، سید اخترحسین موجود تھے ۔