اسلام آباد (این این آئی) تحریک انصاف کے وائس چیئرمین شاہ محمود قریشی نے کہاہے کہ ہم جمہوریت کو لپیٹنا نہیں چاہتے اور ہر خطرے میں جمہوریت کے ساتھ کھڑے ہوں گے۔ میڈیا سے گفتگو کرتے ہوئے شاہ محمود قریشی نے کہا کہ پاناما لیکس کے حوالے سے عدلیہ کا فیصلہ طویل عرصے تک یاد رکھا جائیگا۔ فیصلے نے طاقتوراور کمزورکوایک صف میں کھڑا کردیا۔پی ٹی آئی کے وائس چیئرمین نے کہاکہ عدلیہ تحریک کے بعد نظام مضبوط ہوا ہے، کون نہیں جانتا ماضی میں عدلیہ نظریہ ضرورت کے تحت چلتی رہی لیکن اب اس ملک میں ایک آزاد عدلیہ کا وجود عمل میں آگیا ہے، اس آزاد عدلیہ کو کل پوری قوم نے دیکھا۔شاہ محمود قریشی نے کہا کہ آج ذہن اور قلم دونوں آزاد ہیں، اب احتساب ہوگا اور بلاتفریق ہوگا، انہوںنے کہاکہ اپوزیشن جماعتوں کے اجلاس میں واضح پیغام دیا کہ ہم کسی سازش کا حصہ نہیں بنیں گے۔

شاہ محمود