لاہور(کلچرل رپورٹر)  معروف اداکارہ نیلو بیگم انتقال کر گئیں ,وہ طویل عرصہ سے بیمار تھیں.نیلو نے 12سال کی عمر میں بھوانی جنکشن سے فلمی صنعت میں قدم رکھا. نیلو نے کئی یادگارفلمیں دیں۔ فلم سات لاکھ میں جلوہ گرہوئیں تو گانا”آئے موسم رنگیلے سہانے“اُن کی پہچان بن گیا۔سرگودہا کے نواحی قصبے بھیرہ کے مسیحی گھرانے میں آنکھ کھولنے والی سنتھیا الیگزینڈر فلمی دنیا کی نیلو بنی۔نیلو کافلمی کیرئیر ہالی وڈ کی مشہور فلم بھوانی جنکشن سے شروع ہوا لیکن انہوں نے شہرت پاکستانی فلموں میں آئٹم سانگ سے پائی۔نیلو نے معروف ہدایتکار ریاض شاہد سے شادی کی اور اپنا نام عابدہ رکھا۔آج کا سپر اسٹار شان اُن کا صاحبزادہ ہے۔اداکارہ نیلو بیگم نے اپنے فلمی کیریئر میں بے شمار یادگار رول پلے کیے ۔ان کا سب سے بیسٹ کام 1960 کے زمانے  میں تھا ۔ نیلو  کی یادگار فلمیں  دوشیزہ ۔ عذرا ۔ زرقا ۔ بنجارن ۔ بیٹی ۔ ڈاچی ۔ جی دار ۔ شیر دی بچی ۔ ناگن  اور دیگر ایسی بے شمار فلمیں ہیں۔فلمی حلقوں میں ان کے انتقال پر گہرے رنج و غم کا اظہار کیا جارہا ہے۔

آرمی چیف کا فوجی فاؤنڈیشن ہیڈکوارٹرز کا دورہ، 100 بستروں کے ہسپتال کا افتتاح کیا