ڈاکٹرز ایکشن کمیٹی بلوچستان کے چیئرمین ڈاکٹر ظاہر خان مندوخیل نے انکشاف کیاہے کہ مغوی ڈاکٹر کی واپسی 5 کروڑ تاوان دے کر ہوئی ہے ،اس سلسلے میں حکومت کی جانب سے کوئی کردارادا نہیں کیاگیاہے جس کے باعث ڈاکٹر برادری مایوسی کاشکارہے ۔ سول ہسپتال میں پریس کانفرنس سے خطاب کرتے ہوئے مغوی ڈاکٹر کی واپسی پر ڈاکٹرز ایکشن کمیٹی بلوچستان کے چیئرمین ڈاکٹر ظاہر خان مندوخیل نے انکشاف کیا کہ مغوی ڈاکٹر کی رہائی پانچ کروڑ روپے تاوان کی ادائیگی کے بدلے ہوئی ہے۔ان کا مزید کہنا تھا کہ مغوی ڈاکٹر کو پانچ کروڑ کے لگ بھگ تاوان دے کر چھوڑا گیا ہے،حکومت سمیت کسی نے کوئی رول ادا نہیں کیا۔ ہم اس پر سخت ناراض اور پریشان ہیں،ہماری ڈاکٹرز برادری ابھی تک پرسکون نہیں ہوئی اور ہمیں ابھی تک کوئی سیکورٹی پلان بھی نہیں دیا گیا۔ڈاکٹرایکشن کمیٹی کا کہنا ہے کہ اغوا کاروں نے ابراہیم خلیل کو چمن میں نہیں بلکہ کراچی میں چھوڑاجب کہ دوران قید انھیں شدید تشدد کا نشانہ بھی بنایا گیا۔ڈاکٹرزایکشن کمیٹی کا مزید کہنا ہے کہ ڈیڑھ ماہ سے جاری سرکاری اہسپتالوں میں ہڑتال ختم کرنے یا نہ کرنے کا فیصلہ بعد میں کیا جائیگا۔انھوں نے حکومت سے مطالبہ کیا کہ حکومت ڈاکٹرز کی سیکورٹی کیلئے موئژ اقدامات کرے۔
بانی تحریکِ انصاف کو "جیل کی حقیقت" سمجھانے کی کوشش۔
Apr 19, 2024