وزیراعلیٰ پنجاب  عثمان بزدار نے کہا ہے کہ کرپشن کے ناسور نے ملک کو پیچھے دھکیلا، ملکی خزانہ لوٹنے والوں کو اپنے کیے کا حساب دینا ہوگا ۔انہوں نے ایک بیان میں کہا ہے کہ سابق ادوار میں کرپشن نہ ہوتی تو آج ملک قرضوں میں نہ ڈوبا ہوتا، سابق حکمرانوں نے اپنے دور میں عوام کے لیے کچھ نہیں کیا،  ملک کی ترقی کے لیے کرپشن، لوٹ مار اور اقربا پروری کا خاتمہ ناگزیر ہے۔انہوں نے کہا ہے کہ اپوزیشن کے پاس کوئی ایجنڈا نہیں، بدعنوان عناصر کو صرف لوٹ مار سے اکٹھی کی گئی دولت بچانے کی فکر ہے۔انہوں نے مزید کہا کہ کرپشن کے ناسور نے پاکستان کو پیچھے دھکیلا، کرپشن کرنے والوں کو عوام کی ترقی کے سفر میں رکاوٹ نہیں ڈالنے دیں گے، ملکی خزانہ لوٹنے والوں کو اپنے کیے کا حساب دینا ہوگا۔عثمان بزدار کا کہنا تھا کہ ملکی خزانے پر ہاتھ صاف کرنے والے عناصر آج کس منہ سے عوام کی بات کرتے ہیں۔

آب زم زم کنوئیں میں‌ اترنے والی پہلی شخصیت کا انتقال