گوجرانوالہ چیمبرآف کامرس کے تعاون سے ایکسپورٹ کمپلائنس آگاہی سیشن

گوجرانوالہ(نمائندہ خصوصی)گوجرانوالہ چیمبر آف کامرس اینڈ انڈسٹری میں نیشنل کمپلائنس سینٹر کے تعاون سے ایکسپورٹ کمپلائنس آگاہی سیشن کا انعقاد کیا گیا جس کا مقصد صنعتکاروں کو ان عالمی تقاضوں سے آگاہ کرنا تھا جن کی عدم تکمیل آئندہ برآمدات میں رکاوٹ بن سکتی ہے۔سیشن میں این سی سی کے Thematic ایکسپرٹ ڈاکٹر محمد طاہر زیدی نے بریفنگ دیتے ہوئے بتایا کہ یورپی یونین پہلے ہی ان معیارات کو اپنا چکی ہے جبکہ بھارت، بنگلہ دیش اور ویتنام بھی ان پر تیزی سے عمل پیرا ہیں۔ پاکستان نے حال ہی میں ان پر کام کا آغاز کیا ہے جسے مثر انداز میں آگے بڑھانے کی ضرورت ہے۔ انہوں نے بتایا کہ این سی سی وزارتِ تجارت کے تحت کام کر رہا ہے اور گوجرانوالہ چیمبر میں فیسلیٹیشن ڈیسک قائم کرنے کا اعلان کیا تاکہ صنعتکاروں کو رہنمائی میسر آ سکے۔اس موقع پر سابق صدر عاصم انیس، سابق سینئر نائب صدر آفاق ایوب، سابق نائب صدر وقاص افضل، ایگزیکٹو ممبر فیصل ستار، میاں عتیق الرحمان، سعد عرفانی اور دیگر معزز اراکین شریک تھے ۔